HStAOrient5a: 43v

ḥareketdür mes̱elā felek‑i s̱evābitüñ ḥareketi gibi ki felek‑i // aʿẓama muqābil ḥareket ėder. Mebdeʾ‑i ḥareketi evvel burc‑i ḥameldür. // Ammā ḥareketi ḥareket‑i baṭīyedür. Ol eclden müteqaddimīn aṣlen ḥareketi // yoqdur dėmişlerdür Ammā müteʾaḫḫirīn sene‑i şemsīye ile altmış [altı] // senede bir derece ḥareketin müşāhede ėtmişlerdür. Felek‑i s̱evābite // felekü l‑bürūc ve mınṭaqatü [l‑bürūc] daḫı dėrler zīrā felek‑i s̱evābitüñ // eczāsını on iki qısma münqasım qılub her qısma bürūc // dėmişlerdür. ve her burca ol burcda vāqiʿ olan kevākib‑i // müctemiʿanuñ şekline münāsib bir ism vażʿ ėtmişlerdür. Nücūmīler // bilürler. Burc‑i evvel Ḥamel burc‑i s̱ānī S̱evr burc‑i s̱ālis̱ Cevzā burc‑i // rābiʿ Sereṭān burc‑i ḫāmis Esed burc‑i sādis Sünbüle burc‑i // sābiʿ Mīzān burc‑i s̱āmin ʿAqreb burc‑i tāsiʿ Qavs burc‑i ʿāşir // Cedī burc‑i ḥādī ʿaşer Delv burc‑i s̱ānī ʿaşer Ḥūt. Ve felek‑i // bürūcuñ quṭbları quṭb‑i ʿāleme muġāyirdür ve miḥveri miḥverine // muḫālifdür. Ol sebebden mınṭaqası yaʿnī dāʾire‑i ʿaẓīmesi // felek‑i aʿẓam mınṭaqası ile teqāṭuʿ ėder. Nite‑kim miḥveri miḥverini // qaṭʿ ėtdügi gibi. Şekl‑i sābıqda ẓāhirdür. Zīrā biri // biri içine iki ḫalqa‑i [!] ʿaẓīme vażʿ ėtsek miḥverleri ve // quṭbları muġāyir olsa elbette biri biriyle teqāṭuʿ ėder.